العمى ليه ما بيصيروا يعملوا قمم عربيّة أكتر ؟؟ و بفترات متقاربة إذا أمكن..
لإنو نحنا كشعب عربي بحاجة لهالنوع من الشعور بالأهمّية.. بما إنّو كل هالزعماء مجتمعين من أجلنا.. و عمبفكروا فينا علنا ً..
و الأهم إنو نحنا بحاجة لهالنوع من الترفيه النفسي.. و النكت العفويّة المرتجلة..
و بيسعدنا كتير إنّو يكون عند زعماءنا هالقدر الكبير من حس الفكاهة ..
و أهم من هيك, بتسعدنا هالجهود الأميركيّة الكبيرة ل"إفشال" القمّة..
و هالشي , بحد ذاته, كتير عظيم و بيستحق إنو نتوقّف عنده.. لإنّو فعليّا ً بخلّينا نشك إنّو إحتماليّة "نجاح القمّة" موجودة فعلا ً.. و انشالّله إذا زادت هالجهود بالقمم المقبلة, ممكن نصير نصدّق هالإحتمال..